بجد دفعت قد ايه؟

بجد دفعت قد إيه؟
بمناسبه الجمله اللى بتقول
الخبره هى مشط تهديه لك الحياه بعد ان تفقد شعرك
تفتكروا دفعنا قد ايه؟
تفتكر انت دفعت اكتر من غيرك وللا أقل عشان تتعلم معنى حكمه وللا جمله كانت ممكن تعدى عليك ولا كأنها عدت
ولا كأنها مررت
ولا كأنها اتسمعت
جربت تفارق حجر الزاويه بتاع حياتك (أهم ناس عندك) عشان بس تتعلم جمله زيى اللى بتقول
من يعشقه القلب لا ينساه ابدا
طب جربت ان كرامتك تتهان فى يوم من الأيام مثلا يعنى لا قدر الله عشان تعرف معنى مثل بسيط زيى اللى بيقول
من طلع من داره اتقل مقداره
وللا اقولك جربت مثلا تكون انسان حساس قوى زيى الناس ما بيقولوا وتشتكى لحد وتفتح له قلبك وتفضفض بكل همومك وبعدين تندم اشد الندم مش عشان حاجه بس عشان حاسس ان كرامتك قل منها حاجه بعد ما دموعك نزلت قدام حد غير ربنا وساعتها تكون
الشكوه لغير الله مذله
طيب ممكن تكون جربت الاحساس بإنك محتاج تكلم حد- أى حد- وتنسى همومك معاه وتلاقى الدنيا بتبعد احبابك عنك تتصل بصحبك أو صحبتك فلان أو فلانه دا نايم ودا خرج ودا مشغول ودا بيصيف ودا قافل الموبايل عشان بس تعرف معنى كلمه بتقول
تعيس من يعتمد على غيره لإسعاده
وللا اقولك جربت انك تميز حد وتفضله قوى وترفعه وتوصله وتحاول تسعده بكل قدرتك وتحسس كل اللى حواليك انك وهو واحد وفى والاخر ههههه ولا يسوى عشان الفلسفه تقولك
الحريه تعطيك الحق فى ان تختار من يغتال حريتك
مش هطول عليكم
بس بليز كل واحد يدخل يقول الاحساس اللى مر بيه كان إيه من دول
وحس بإيه بعديه؟
وإيه الحكمه اللى دفعتوا تمن فهمها غااااااالى قوى
يللا
inspiration

مرسي لمرورك