اسال عضو وهو يجاوب

ما بلاش انتى ياالاء

احسن ادخلك بعدها

او ندخل نور عادى

اية دة يا مظهر ات هتجهزلى اسئلة والنبى براحة عليا هتخوفنى كدة

الاسئلة بتاعتى يا سارة
******************
1/عرفينا بنفسك اولا ؟
2/طموحاتك اية فى الحياة ؟
3/مواصفات فتى احلامك اية ؟
4/بتتمنى حياتك اللى جاية تبقى عاملة ازاى ؟
5/هل انت عايشة قصة حب حاليا ولا لا؟
6/اية رأيك فى الحب اصلا ؟
7\هل تؤمنى بالصداقة بين البنت والولد ؟
8/اية درجة اهتمامك بالدين ؟
دى اسئلة عادية كدة
نخوش على الاسئلة اللى تخوص المنتدى
1/اية رأيك فى المنتدى هنا بدون مجاملة ؟
2/هل انت شايفة ان المنتدى دة يستحق المتابعة ولا لا ؟
3/مين الاشخاص اللى و انتى داخلة المنتدى بتشوفى موجودين ولا لا؟
4/مين الاشخاص اللى انت مش حابة تشوفيهم فى المنتدى مع ذكر السبب ؟
5/المنتدى دة بيمثلك اية ؟
دى بعض الصفات هكتبها وانتى دورك تقولى الصفة دى تنطبق على مين فى المنتدى
مرح
مجتهد
كئييب
شاعر
رومانسى
كينج
رخم
اميرة
*************************
خلصت اسئلة المنتدى نخوش على اسئلة جامدة شوية
1\لو انتى مش انسانة كونتى تحبى تبقى اى نوع من انواع الحيوانات ؟
2/لو شخص جرحك جرح عمييق اوى تقدرى تغفرى وتسامحى ولا لا ؟
3/لو انتى ممثلة تحبى تعمل انهى دور وانهى فيلم ؟
4/لو انت رئيسة جمهورية اول قرار هتخدية اية ؟
5/اية اكتر حاجة ممكن تخافى منها ؟
6/لو قالولك انتى هتتنفى لجزيرة لمدة انتى مش عارفاها ومحدد انك تاخدى شخص واحد و3 اشياء اخرى جماد يعنى هتاخدى اية ؟

كفااااااااااااااية اووووووووووووووووى كدة عليكى هى اسئلة سهلة علشان خطرك انتى بس ياقمر

لولو المتعبة

والله ماكنت اعرف ان الاء بتحبك اوى كدة

دى كدة ناوية ع الشر متسكتيش ياسارة

ههههههههههههههههههههههههههههه

اسئلتى انا بقى

1-لو فرضنا انك فى مظاهرة هتقولى ايه ولمن وايه السبب اللى يخليكى تمشى فى مظاهرة اصلا

2-اكتر انسان بتكونى ضعيفة قدامه؟

3-ايه هو مبداك فى الحياة؟
4-امتى اتنازلتى عن المبدا ده؟

5-تتجوزى اللى بتحبيه ولا تحبى اللى تتجوزيه؟ وليه؟

6-نفسك تشتغلى ايه؟ وليه ؟

7-اكتر كلمة بتخليكى مش على بعضك ومن مين؟

8-فكرتى تصممى على حاجة قبل كدة ؟

طيب ايه اللى حصل؟

9- اكتر حاجة بتحبيها فى الدنيا؟ واكتر حاجة بتكرهيها؟

10-لو اتنين صحابك متخامقين تعملى ايه؟

11-اوصفيلنا نفسك كدة ببساطة خالص

12-مين توام روحك؟

13- الشخص اللى مش بترفضيله طلب؟

14- لو موبايلك بيرن تتمنى يكون مين بيرن؟

15- لو وصلتك رسالة تتمنى تكون من مين؟

16-لو معاكى ورقة وقلم ترسمى ايه؟ وليه؟

17-امتى حسيتى بالنجاح وامتى حسيتى بالفشل؟

18-اسوا خبر سمعتيه فى حياتك؟

19- اكتر حاجة بتخافى منها؟

20-ممكن تكدبى فى يوم من الايام؟ وليه؟

21-ايه اكتر حاجة بتحلمى بيها؟

22- لو حصل وبعد عنك حد عزيز عليكى اوى ايه هيمون رد فعلاك؟

23-امتى بتحسى انك طفلة؟

24- امتى حسيتى انك انسانة عاقلة مع انى شاكك فى الموضوع ده

25-ايه رايك فى الناس اللى فى المنتدى هنا عضو عضو؟

26- لو حد غير محمد هيمسك المنتدى تتمنى يكون مين؟

27- لو حد من الاعضاء هيغيب فترة طويلة تتمنى يكون مين؟

28-لو انتى فى موقف وحش ومظلومة جدا تعملى ايه؟ وايه الطرق للى ممكن ترجعى بيها حقك؟

29- لو حد غلط وانتى دفعتى تمن غلطته تعملى ايه؟

30-ايه رايك فى نفسك؟

31-اعظم صفة ببتمنيها تكون فىكى؟

32- اكتر صفة بتكرهيها فى نفسك؟

33-حد نفسك يكون جمبك دلوقتى؟

34-حد نفسك تقطعى علاقتك بيه؟

متهيالى كفاية كدة

احنا داخلين رمضان ومش عايزك تكرهينى بس اوصفيلى نفسك زى ماانتى شايفاها كدة وزى ماالناس شايفاها

الله يكون فى عونك يا ساااااااااارة

والله انا كنت هسأل بس بعد الاسئلة دى صعبت علية خلاص بقى
الله يكون فى عونها

جاوبى ياسارة ربنا معاكى ومظهر وألاء متوصينى اووى Smile

ربنا معاكى يا سارة فا كل الاسئلة دى

عرفينا بنفسك اولا ؟
سارة 16 سنة ونص
طموحاتك اية فى الحياة ؟
الاول انجح فى دراستى وادخل كلية وابقى بيزنس ومان كبيرة وناجحة
مواصفات فتى احلامك اية ؟
يكون بيعرف ربنا وطيب وحنين وبيحبنى ومحترم
بتتمنى حياتك اللى جاية تبقى عاملة ازاى ؟
تبقى جد شوية
هل انت عايشة قصة حب حاليا ولا لا؟
لا
/اية رأيك فى الحب اصلا ؟
احلى احساس خلقة ربنا اساس الحياة اصلا

هل تؤمنى بالصداقة بين البنت والولد ؟
اة جدا يعنى الولد مش هيغير من لبنت ولا يالف عليها حورات عشان يبقى شكلة احلى منها وكدة يعنى

/اية درجة اهتمامك بالدين
مش كبيرة اوى بس ان شاء الله هحاول اهتم اكتر

اية رأيك فى المنتدى هنا بدون مجاملة ؟
لا بجد والله جامد جدا
هل انت شايفة ان المنتدى دة يستحق المتابعة ولا لا ؟
يستحق جدااااااااااااااااا
مين الاشخاص اللى و انتى داخلة المنتدى بتشوفى موجودين ولا لا؟
مظهر وفاطمة والاء ومحمد وكوين اوف لف وسارة ونور وابوتريكة
مين الاشخاص اللى انت مش حابة تشوفيهم فى المنتدى مع ذكر السبب ؟
لا مفيش حد
المنتدى دة بيمثلك اية ؟
من غير تريقة تحدى اصلى كل لما ادخل منتدى ارد وخلاص بس بحاول اغير دة
مرح مظهر

مجتهد محمد
كئييب مفيش
شاعر سارة
رومانسى محمد
كينج مفيش
رخم مفيش
اميرة مفيش

لو انتى مش انسانة كونتى تحبى تبقى اى نوع من انواع الحيوانات
الحصان
لو شخص جرحك جرح عمييق اوى تقدرى تغفرى وتسامحى ولا لا
لا انا من الناس اللى قلبهم اسود شوية
لو انتى ممثلة تحبى تعمل انهى دور وانهى فيلم ؟
انا بحب ادوار الشر عموما بس نقول نور فى الرهينة
4/لو انت رئيسة جمهورية اول قرار هتخدية اية ؟
اول قرار الصحرا تتعمر ويتبى عليها مصانع وشركات والشباب كلها تشتغل وكل واحد يا خد حقة والشعب كلة يبقى مبسوط وقبل ماخد قرار استشير الشعب نفسى والله
اية اكتر حاجة ممكن تخافى منها ؟

الضلمة وانى احس انى لوحدى

لو قالولك انتى هتتنفى لجزيرة لمدة انتى مش عارفاها ومحدد انك تاخدى شخص واحد و3 اشياء اخرى جماد يعنى هتاخدى اية ؟

الشخص مش عرفاة والتلات حاجات مصحف ومراية وحصان

-لو فرضنا انك فى مظاهرة هتقولى ايه ولمن وايه السبب اللى يخليكى تمشى فى مظاهرة اصلا

هقول كفاية ظلم للحكومة وكل اللى تحت الرئيس والرئيس كمان لانة اكيد شايف الناس وشايف حال الناس ممكن امش فى مظاهرة لو حسيت ان حد ضعيف مش قادر يا خد حقة

اكتر انسان بتكونى ضعيفة قدامه؟

لا مفيش حد

-ايه هو مبداك فى الحياة؟
من افسد شى علية اصلاحة
امتى اتنازلتى عن المبدا ده؟
متنازلتش عنة
5-تتجوزى اللى بتحبيه ولا تحبى اللى تتجوزيه؟ وليه؟

اتجوز اللى بحبة لانى مش ضامنة انى ممكن احب اللى هتجوزة
نفسك تشتغلى ايه؟ وليه ؟

نفسى اشتغل فى السياحة عشان نفسى فكرة الغرب تغير عن البلد
-اكتر كلمة بتخليكى مش على بعضك ومن مين؟
انتى بتكدبى من اى حد
8-فكرتى تصممى على حاجة قبل كدة ؟

اة
طيب ايه اللى حصل؟
منجحتش فيها

باى دلوقتى عشان هفطر ونكمل بعدين

الله يكون فى عونك يا سارة

ربنا معاكي يا سارة
ومنتظرين باقي الأسئلة إن شاء الله

اكتر حاجة بتحبيها فى الدنيا؟ واكتر حاجة بتكرهيها؟
اكتر حاجة بحبها انى اعمل اللى انا عيزاة يعنى لو طلبت انى العب مع اطفال العب ومحدش يفضل يبص ويقول عبيطة دى ولا اية
10-لو اتنين صحابك متخامقين تعملى ايه؟
هحاول اخليهم يكلموا بعض من غير عتاب

11-اوصفيلنا نفسك كدة ببساطة خالص
انا حد بسيط جا وعصبية جدا ورومانسية ومش ذكية خالص وبحب ابقى بضحك على طول مش بحب المشاكل ونفسى اصاحب حد يكون يستاهل عشان ماليش اصحاب خالص قلبى كبيربس اسود شوية بس

12-مين توام روحك؟
مفيش

13- الشخص اللى مش بترفضيله طلب؟
برضة مافيش

14- لو موبايلك بيرن تتمنى يكون مين بيرن؟
مش حد معين

15- لو وصلتك رسالة تتمنى تكون من مين؟
اختى الكبيرة

16-لو معاكى ورقة وقلم ترسمى ايه؟ وليه؟
ورد وشجر وحصان عشان بحبهم

17-امتى حسيتى بالنجاح وامتى حسيتى بالفشل؟
محستش بالنجاح خالص وعلى طول حسة بالفشل

18-اسوا خبر سمعتيه فى حياتك؟
ان واحد ادى اتوفى

19- اكتر حاجة بتخافى منها؟
الضلمة وانى احس انى لوحدى واحيانا البنى ادمين

20-ممكن تكدبى فى يوم من الايام؟ وليه؟
اة ممكن اكدب بس لية مش عارفة

21-ايه اكتر حاجة بتحلمى بيها؟
سؤال صعب بحلم كتير انى تايهة

22- لو حصل وبعد عنك حد عزيز عليكى اوى ايه هيمون رد فعلاك؟
هتاثر جدا ونفسيتى هتبقى فى الارض وممكن اموت فيها

23-امتى بتحسى انك طفلة؟
بحب ابقى طفلة على طول بس جدتى ااكتر حد بيحسسنى انى لسة طفلة

24- امتى حسيتى انك انسانة عاقلة مع انى شاكك فى الموضوع ده
هههههههههههههههههه بجد مفيش

25-ايه رايك فى الناس اللى فى المنتدى هنا عضو عضو؟
محترمين وجامدين ولاذاذ كلهم والله

26- لو حد غير محمد هيمسك المنتدى تتمنى يكون مين؟
فاطمة عشان هى ذكية جدا ما شاء الله مش مجاملة والله ودماغها حلوة اوى

27- لو حد من الاعضاء هيغيب فترة طويلة تتمنى يكون مين؟
لا محدش اتعودت عليهم كلهم

28-لو انتى فى موقف وحش ومظلومة جدا تعملى ايه؟ وايه الطرق للى ممكن ترجعى بيها حقك؟
مش هسيب حقى وهحاول بكل طاقتى انى ارجع حقى وهحاول اوصل الحقيقة باى طريقة وممكن اقتل بجد كلة الا الظلم

29- لو حد غلط وانتى دفعتى تمن غلطته تعملى ايه؟
هتضايق جدا

30-ايه رايك فى نفسك
شخصية مش حلوة اوى ممكن يكون فيا صفات حلوة بس العيوب بتغطيها

31-اعظم صفة ببتمنيها تكون فىكى؟
الصدق الدائم

32- اكتر صفة بتكرهيها فى نفسك؟
العصبية والفتى

33-حد نفسك يكون جمبك دلوقتى؟
محدش

34-حد نفسك تقطعى علاقتك بيه؟
كل الناس اللى اعرفهم فى المدرسة

32- اكتر صفة بتكرهيها فى نفسك؟
[color=#0000ff][font=Times New Roman]العصبية والفتى

تمام ياسارة وربنا يوفقك

شخصية جميلة جدا
بس انا مش فاهم العصبية وايه؟

بفتى كتير وممكن ابقى مش فاهمة

شكرااااااااااااااااااا يا سارة

شكرااا جدااا يااسارة
بجد لجوابتك وكلهااا فى صراحة بجد
واجاباتك جميلة جداااا
ومنوووورة المنتدى دايما

ميــــــــــــــــــــــــــــــــــــــــــــــــن اللى هيدخل بعد كدة؟

اجاباتك حلوة اوووووووى يا سارة

هاة شوفوا ندخل مييييييييين؟

ممكن تكون فاطمة

اية يا احمد مانا دخلت قبل كدة هى شغلانة ولا اية ؟
ههههههههههه
اية رأيكوا ندخل نور الرحمن

نـــــــــــــــــــــــــــــــــــــــور الرحمن

اللى عنده اسئلة يحطها

وياريت تتوصوا لانها جايلها وصاية جامدة اوى

مش هقول لحد اه

واخد بالك ياعمر؟

تعرفينا بنفسك فى الاول خالص

طبعا كل حاجة

بتخافى من ايه وليه

لو انتى فى اوضة ضلمة ولوحدك تعملى ايه وايه احساسك اصلا

-لو فرضنا انك فى مظاهرة هتقولى ايه ولمن وايه السبب اللى يخليكى تمشى فى مظاهرة اصلا

2-اكتر انسان بتكونى ضعيفة قدامه؟

3-ايه هو مبداك فى الحياة؟
4-امتى اتنازلتى عن المبدا ده؟

5-تتجوزى اللى بتحبيه ولا تحبى اللى تتجوزيه؟ وليه؟

6-نفسك تشتغلى ايه؟ وليه ؟

7-اكتر كلمة بتخليكى مش على بعضك ومن مين؟

8-فكرتى تصممى على حاجة قبل كدة ؟

طيب ايه اللى حصل؟

9- اكتر حاجة بتحبيها فى الدنيا؟ واكتر حاجة بتكرهيها؟

10-لو اتنين صحابك متخامقين تعملى ايه؟

11-اوصفيلنا نفسك كدة ببساطة خالص

12-مين توام روحك؟

13- الشخص اللى مش بترفضيله طلب؟

14- لو موبايلك بيرن تتمنى يكون مين بيرن؟

15- لو وصلتك رسالة تتمنى تكون من مين؟

16-لو معاكى ورقة وقلم ترسمى ايه؟ وليه؟

17-امتى حسيتى بالنجاح وامتى حسيتى بالفشل؟

18-اسوا خبر سمعتيه فى حياتك؟

19- اكتر حاجة بتخافى منها؟

20-ممكن تكدبى فى يوم من الايام؟ وليه؟

21-ايه اكتر حاجة بتحلمى بيها؟

22- لو حصل وبعد عنك حد عزيز عليكى اوى ايه هيمون رد فعلاك؟

23-امتى بتحسى انك طفلة؟

24امتى حسيتى انك انسانة عاقلة ه

25-ايه رايك فى الناس اللى فى المنتدى هنا عضو عضو؟

26- لو حد غير محمد هيمسك المنتدى تتمنى يكون مين؟

27- لو حد من الاعضاء هيغيب فترة طويلة تتمنى يكون مين؟

28-لو انتى فى موقف وحش ومظلومة جدا تعملى ايه؟ وايه الطرق للى ممكن ترجعى بيها حقك؟

29- لو حد غلط وانتى دفعتى تمن غلطته تعملى ايه؟

30-ايه رايك فى نفسك؟

31-اعظم صفة ببتمنيها تكون فىكى؟

32- اكتر صفة بتكرهيها فى نفسك؟

33-حد نفسك يكون جمبك دلوقتى؟

34-حد نفسك تقطعى علاقتك بيه؟

الدنيا نظامها ايه معاكى؟ حلوة ولا

الحب الصداقة لكدب الاخلاص الخيانة

كل كلمة فى دول مرتبطة بشخص فى حياتك مين الشخص ده؟

هل انتى مؤمنة بالحظ؟ وليه؟

ايه رايك فى لمجتمع اللى احنا فيه ده؟

اوصفيلى الحياة بكلمة واحدة بس
اوصفيلى سارة صاحبتك فى كام كلمة كدة

انتى شايفة انك قدرتى تاثرى فى الحياة ولا انتى ورقة فى الهوا

بتحلمى بايه

انهى اصعب جرح الصاحب ولا جرح الحبيب

حياتك ازاى حسب التساهيل ولا حسب ماانتى عايزة؟

انتىراضية عن نفسك

الناس اول فكرة بياخدوها عنك ايه؟ اجبارى

كنتى في مقابله شخصيه لعمل
وسألك صاحب العمل ان لو حد عمل حاجه غلط او مش بيشتغل مثلا من زمايلك
هل تيجي تبلغيني ولا ايه
يا ترى ايه ردكـ

اعتبري نفسك دكتوره بشريه .. لو جالك مريض مثلا وكتبتيله دوا
وسالك عن اعراض الدوا الجانبيه
وكان الدواء بيسبب ارتفاع بسيط لا يذكر في نبضات القلب ولفتره بسيطه اوى اوى
هل هتقوليله .. ولا تقولى بلاش اقلقه

قابلتي واحد مسكين في الشارع وقالك انه عنده ظروف ومحتاج مبلغ معين عشان لازم يسافر ومش معاه تذكرة القطر
صعب عليكي قمتي اديتيله الفلوس
بعد يومين شفتي نفس الراجل وكان ناسي شكلك وجه قالك نفس الكلام .. يعني طلع نصاب م الاخر
هتتصرفي معاه ازاى

وقفتي في طابور طويييل في احد المصالح الحكوميه .. وجه واحد قالك معلش مستعجل اوى وورايا حاجه مهمه ممكن اخد دورك
هتقوليله ايه

كان عندك مشروع مهم جدا للتخرج واشتغلتي عليه كتير جدا وكان لازم تسلميه تانى يوم مثلا
وجه الملف اللى مخزنه عليه المشروع ع الكمبيوتر اتحذف خطئا
هيكون ايه رد فعلك

حكيتي لواحده صاحبتك على مشكله بينك وبين واحده تانيه .. وبحسن نيه قلتي علي البنت التانيه انك اكتشفتي انها مش كويسه
تانى يوم قابلتي الاتنين مع بعض وفوجئتي بيها بتقولها على كلامك اللى قولتيه عليها
فتنتك عليكي يعني .. هيكون ايه ردكـ

قوليلي على 3 اسماء لاشخاص يمثلوا قدوتك ف الحياه

قوليلي 3 امنيات تتمنيها على الترتيب

ايه الدعوه اللى بتدعيها دايما وانتى بتفطري كل يوم

[size=16]قوليلى تلات عيوب فى شخصيتك

اخيرا بقى اتكلمى عن نفسك فى كام سطر كدة مع ذكر المزايا والعيوب

اولا السلام عليكم ورحمة الله وبركاتة
ازيكم كلكم
وابدا بسم الله
1- تعرفينا بنفسك فى الاول خالص

طبعا كل حاجة
انا اسمى مروة
عيد ميلادى 1/2/1988
ليسانس اداب علم نفس

بتخافى من ايه وليه
الحمد لله مش بتخاف من حاجة
الا من ربنا بخاف جدا منة

لو انتى فى اوضة ضلمة ولوحدك تعملى ايه وايه احساسك اصلا
هما حلين عندى رقم 1 ياما حنام
رقم 2 ياما حفتح البلكونة واقعد ادعى ربنا

لو فرضنا انك فى مظاهرة هتقولى ايه ولمن وايه السبب اللى يخليكى تمشى فى مظاهرة اصلا
هههههههههههههههههههههههههه
انا الحمد لله مش بمشى فى مظاهرات ابدا
بس لو فرضنا حيكون الدفاع عن فلسطين وحاجة من هذا القبيل
بس دة بالنسبة لية مشتحيل

2-اكتر انسان بتكونى ضعيفة قدامه؟
امى ثم امى ثم امى

3-ايه هو مبداك فى الحياة؟
عامل الناس كما تحب ان يعاملوك بة

4-امتى اتنازلتى عن المبدا ده؟
اتعرضت لظروف ما وجيت على سارة صاحبتى جامد لانى كنت مضغوطة

5-تتجوزى اللى بتحبيه ولا تحبى اللى تتجوزيه؟ وليه؟
ههههههه
احب اللى اتجوزة
لانى لا اؤمن بصداقة بين الولد والبنت
او انا مش من النوع الاجتماعى اوى
وحتى انا لو اجتما عية
وكمان لازم عشان اتجوز اللى بحبة يبقى اعرفة قبل كدة وعرفنى كويس اوى وعرفتة كويس اوى
وانا بدخل الحاجات دى فى حلال و حرام

6-نفسك تشتغلى ايه؟ وليه ؟
اشتغل اخصائية نفسية
لانى بحب جدا علم النفس وحل المشاكل وكدة يعنى

7-اكتر كلمة بتخليكى مش على بعضك ومن مين؟
ههههههههههه
لو من مين تبقى من سارة اية هية الكلمة
بلاش هية سارة عارفاها

8-فكرتى تصممى على حاجة قبل كدة ؟
اة

طيب ايه اللى حصل؟
الحمد لله كان راى صح ومندمتش على حاجة

9- اكتر حاجة بتحبيها فى الدنيا؟ واكتر حاجة بتكرهيها؟
الحمد لله بحب كل حاجة
اللى بكرة
من الصفات الكذب والبخل

10-لو اتنين صحابك متخامقين تعملى ايه؟
ححاول اصلح بينهم

11-اوصفيلنا نفسك كدة ببساطة خالص

اوصف نفسى مش حعرف صدقونى انتوا حتعرفوا من اسلوبى
او اسالوا سارة

12-مين توام روحك؟
هما اقرب صاحبة لية سارة اولا ومنى صاحبتى

13- الشخص اللى مش بترفضيله طلب؟
امى او حد عزيز على قلبى

- لو موبايلك بيرن تتمنى يكون مين بيرن؟
مش عا رفة

15- لو وصلتك رسالة تتمنى تكون من مين؟
انا حقولوكوا على حاجة غريبة اوى عنى
بس ما تضحكوش انا لما حد من صحباتى بيبعتولى رسالة ببقى فرحانة اووووووووووووووى وبحس انى بحبهم اووووووى

16-لو معاكى ورقة وقلم ترسمى ايه؟ وليه؟
بسم بحر
عشان انا بحب البحر

17-امتى حسيتى بالنجاح وامتى حسيتى بالفشل؟
حسيت بالنجاح لما بلاقى انى نجحت وصحابى نجحوا معايا
وبحس بالفشل لما معرفش انجز حاجة او قصرت فى حاجة

18-اسوا خبر سمعتيه فى حياتك؟
وفاة بابا

19- اكتر حاجة بتخافى منها؟
الحمد لله مش بخاف من حاجة
20-ممكن تكدبى فى يوم من الايام؟ وليه؟
اة ممكن
لما ما تكونش حضر حد او ممكن لما اصلح بين اتنين

21-ايه اكتر حاجة بتحلمى بيها؟
حاجات كتيرة
بس الحاجة العامة اللى بدعى بيها ان ربنا يقدملى اللى فية الخير

22- لو حصل وبعد عنك حد عزيز عليكى اوى ايه هيمون رد فعلاك؟

23-امتى بتحسى انك طفلة؟
لما ببقى زعلنة او مضايقة وبقعد اعيط بحس انى طفلة اوووووووى
24امتى حسيتى انك انسانة عاقلة ه
لما اتخد قراراتى بهدوء

25-ايه رايك فى الناس اللى فى المنتدى هنا عضو عضو؟
كلهم كويسين والله
ربنا يقدملهم اللى فية الخير

26- لو حد غير محمد هيمسك المنتدى تتمنى يكون مين؟
كلكم تستحقوا انكم تمسكوا المنتدى بعد محمد طبعا

27- لو حد من الاعضاء هيغيب فترة طويلة تتمنى يكون مين؟
لا اتمنى طبعا

28-لو انتى فى موقف وحش ومظلومة جدا تعملى ايه؟ وايه الطرق للى ممكن ترجعى بيها حقك؟
لو قادرة اخد حقى حاخدة
لو مش قادرة ححسبن علية
الطرق بقة دة حسب الموقف اللى انا فية
29- لو حد غلط وانتى دفعتى تمن غلطته تعملى ايه؟
هههههههههههه
دة كتييييير حصل دة
ححاول ابين موقفى وانى ماليش علاقة بالموضوع

30-ايه رايك فى نفسك؟
الحمد لله راضية عن نفسى