لو عملت كدة سورى متبقاش راجل

لما يتقدم يخطب واحده ويدق باب بيتها عشان مرتبها!!
ويقولها بكل صراحه بعد الجواز
اخدتك عشان مرتبك ياختي مش عشان سواد عيونك
للأسف متبقاش راجل

*لما ترضى تقعد سيادتك فالبيت وامك وللا اختك يصرفوا عليك
للأسف متبقاش راجل

* لما تكون طول وعرض وفشخره ع الفاضي
للأسف متبقاش راجل

* لما فـ كل لمة مع صحابك تقول بصوت عالي
عرفت فلانه بنت فلان وضحكت عليها
ودي صورها ودي نمرتها
للأسف متبقاش راجل

* لما تلبس وتتبرفن وتنزل تلف فالمولات من غير هدف
وتكلم دي وتعاكس دي
للأسف متبقاش راجل

* لما تخليت عن لبسك ولبست بنطلون واقع من كتر ماهو مكسوف منك!!
للأسف متبقاش راجل

* لما تاخذ من مامتك كم جنيه عشان تجيب علبة سجاير
للأسف منتاش راجل

* لما تكون فاضي طول الوقت ووقت الصلاة سبحان الله تنشغل
للأسف متبقاش راجل

* لما تكون متجوز أو خاطب أو حتى بتحب
وتخون بكلمه ونظره مع الغير
للأسف متبقاش راجل

* لما تعتمد على فلوس ومنصب باباك
وتقول: وانا اشتغل واتعب نفسي ليه!!
للأسف متبقاش راجل

* لما تجرح أختك وتنسى أنك الراجل والأقوى
للأسف متبقاش راجل

* لما تبيح لنفسك كل حاجه وتحرمها على مراتك

للأسف متبقاش راجل

* لما تتصل عليك أمك وانت سهران مع صحابك اخر الليل
وتقفل انت الخط فوشها وتقول يوووه خنقتنا العجوزه دي
للأسف متبقاش راجل

* لما ترفض خطيب لبنتك أو أختك
عشان تستفيد من مرتبها
للأسف متبقاش راجل

* لما تكون وسيلة التفاهم عندك ايدك مش لسانك
للأسف متبقاش راجل

* لما تخجل من شغله أبوك البسيطة
للأسف متبقاش راجل

* لما مراتك تساعدك فـ اقساط الشقه وفرش البيت
وتتجوز عليها واحده تانيه وتسكنها فشقة مراتك
للاسف متبقاش راجل

* لما تفرق بين بنتك وابنك
وتقول لاء ده واد عزوه والبنت تتفلق
للأسف متبقاش راجل

* لما تخش البيت زي الغول مكشر وشخط ونطر
ولما يرن الموبايل تبقى الضحكه من ودن للتانيه
للأسف متبقاش راجل

* لما تتخلى عن أعز صحابك فوقت الشده
للأسف متبقاش راجل

* لما تعاكس بنات الناس عادي
وأختك لا عيب انا اختي ماتتعاكسش
للأسف متبقاش راجل

* لما تحبها وتحبك بصدق
وفجاءة شفت غيرها وتخليت عنها وتخون بدون اسباب
للأسف متبقاش راجل

* لما تحط عينك على وحدة تعرف أن أخوك أوصاحبك بيحبها
للأسف متبقاش راجل

* لما تعلي صوتك فوش امك عشان ترضي الست الهانم مراتك
للأسف متبقاش راجل

*لما تنقل كلام من واحد لواحد
للأسف متبقاش راجل

* لما تشوف بنت في حالها
ومابتعبرش حد
وتقول: شايفة نفسها على ايه دي؟ وربنا انزل مناخيرها الارض
للأسف متبقاش راجل

* لما تصدق الناس اللي بيتقالك عن حد صاحبك او عزيز
من غير ما تسمع منه حتى او تديله فرصه يوضحلك
للأسف متبقاش راجل

* لما فجأة تكتشف بعد جوازك
وبعد ماجبت منها كم عيل
انك ابتديت تحبها
وتقولهالها وتوجعها بيها!!
للأسف متبقاش راجل

مش كل واحد عنده شنب ودقن يبقى راجل...

الرجوله
موقف
وكرامه
وتصرف

*********

مش بهاجم حد
بس بجد العينات دي موجوده فمجتمعاتنا وبكثرة

انا ضد اي راجل بالصفات دي
وده مايمنعش ان في رجاله بجد ونعم الرجاله

شكرا على الخبر
واكيد فى ناس موجودة كدة
وربنا يهدى الجميع

شكرا ياسارة على التوبيك بجد جامد جدا

ميرسى عالردود نورتوا التوبيك

لما تكون طول وعرض وفشخره ع الفاضي

؟؟؟؟؟؟؟؟؟

مش فاهم دى بصراحة
بس توبيك جامد جدا

تقبلى مرورى

منور يا مظهر يعنى من جوة مفيش اى حاجة يعنى من الاخر تافة وكل همة البرفان القميص كدة يعنى

توبيك جامد جدا يا ساارة
فعلا االعينات دي موجودة في مجتمعنا دلوقتي كتير يعني الا من رحم ربي
مرسي يا جميل ع التوبيك

ميرسى يا قمر ععالرد نورتى التوبيك